dehors, pensent estre quittes et irreprehensibles
en la poursuite de leurs passions et
cupidités, moyennant qu’ils ne fassent rien
contre la teneur des loix, et n’obmettent rien
des formalités. Voilà un richard qui a ruiné
et mis au desespoir des pauvres familles, mais
ça esté en demandant ce qu’il a pensé estre
sien, et ce par voye de justice : qui le peust
convaincre d’avoir mal faict ? O combien de
bienfaicts sont obmis, et de meschancetés se
commettent soubs le couvert des formes, lesquelles
l’on ne sent pas ; dont est bien verifié,
le souverain droict l’extreme injustice
[1] ;
et a esté bien dict, Dieu nous garde des
formalistes !
Les pedans [2] clabaudeurs après avoir questé et pilloté [3] avec grand estude et science par les livres, en font monstre, et avec ostentation questueusement [4] et mercenairement la desgorgent et mettent au vent. Y a-t-il gens au monde plus ineptes aux affaires, plus impertinens à toutes choses, et ensemble plus presomptueux et opiniastres [5] ? En toute langue et nation, pedant, clerc, magister, sont mots de reproche : faire sottement quelque chose c’est le faire en clerc. Ce
