secrete ; mais selon la monstre
et la parade, ou le bruict commun.
7. Penser bien se venger de son ennemy en le tuant : car c’est le mettre à l’abry et au couvert de tout mal, et s’y mettre soy : c’est luy oster tout le ressentiment de la vengeance, qui est toutesfois son principal effect ; cecy appartient aussi à la foiblesse.
8. Tenir à grand injure et desestimer comme miserable un homme, pour estre coqu : car quelle plus grande folie en jugement, que d’estimer moins une personne pour le vice d’autruy, qu’il n’approuve pas ? Autant, ce semble, en peust-on dire d’un bastard.
9. Estimer moins les choses presentes, ou qui sont nostres, et desquelles nous jouyssons paisiblement ; mais les estimer quand on ne les a poinct, ou pource qu’elles sont à autruy, comme si la presence et le posseder ravaloit de leur valeur, et le non avoir leur accroissoit,
Virtutem incolumem odimus,
Sublatam ex oculis qua rimus invidi......[1]
c’est pourquoy nul prophete en son pays. Aussi
la maistrise et authorité engendre mespris de
ce qu’on tient et regente, les maris regardent
desdaigneusement leurs femmes, et plusieurs
peres leurs enfans :
- ↑ « Envieux, nous haïssons les hommes d'un génie supérieur, lorsqu'ils sont vivans ; à peine ne sont-ils plus sous nos yeux, nous les regrettons ». Hor. L. III, od. XXIV, V. 31.