mal : et ce bien ou mal qu'il faict ou fuict, ce n'est purement ny entierement : et ainsi n'est en sa puissance d'estre en tout sens ton bon, ny du tout meschant.
Remarquons encore plusieurs autres effects et tesmoignages de la foiblesse humaine. C’est foiblesse et [1] relatifve de n’oser ny pouvoir reprendre autruy, ny estre reprins ; volontiers qui est foible ou courageux en l’un, l’est aussi en l’autre. Or c’est une grande delicatesse se priver ou autruy d’un si grand fruict pour une si legere et superficielle piqueure, qui ne faict que toucher et pinsser l’oreille. à ce pareil est voysin cest autre de ne pouvoir refuser avec raison, ny aussi recevoir et souffrir doucement un refus.
Aux fausses accusations et mauvais soupçons qui courent et se font hors justice, il se trouve double foiblesse ; l’une, qui est aux interessez, accusez et soupçonnez, c’est de se justifier et excuser trop facilement, soigneusement, et quasi ambitieusement.
- ...... Mendas infamia terret
- Quem ? nisi mendosum...[2]
C’est trahir son innocence, mettre sa conscience et son droict en compromis et en arbitrage, que de plaider
