sens. De dire qu’il faille faire tousjours au pis sans
aucune reserve ni respect, c’est une très pernicieuse
doctrine : et très bien dict le proverbe contraire,
les plus courtes folies sont les meilleures. Mais aussi en certains cas, la voye mediocre est très dangereuse, comme à l’endroict d’un ennemi redoutable que l’on tient à la gorge, comme l’on tient le loup par les oreilles : il le faut ou gagner du tout par courtoisie, ou du tout l’estaindre
[1] et s’en deffaire, comme ont tousjours
pratiqué les Romains, et très prudemment, entre
autres à l’endroit des Latins ou Italiens, à la remonstrance de Camillus, pacem in perpetuum
parare vel serviendo vel ignoscendo
[2], car en tel cas faire à demy,
c’est tout perdre, comme firent les Samnites, qui à
faute de pratiquer ce conseil qui leur fut donné par
un bon vieillard expérimenté, à l’endroit des Romains,
qu’ils tenoyent enserrés, le payèrent bien cher ;
aut conciliandus aut tollendus hostis
[3] ;
le premier de la courtoisie est plus noble, honorable et à choisir, et ne faut venir au second qu’à l’extremité, et lorsque l’ennemi n’est capable du premier. Par tout ce dessus se monstre l’extreme foiblesse humaine au bien et au mal : il ne peust ny faire ny fuyr tout bien et tout
Page:Charron - De la sagesse, trois livres, tome I, 1827.djvu/321
Cette page n’a pas encore été corrigée
265
LIVRE I, CHAPITRE XXXIX.