un peu meschant
[1] et cecy se voyt par tout en la police, justice, vérité, religion.
En la police, combien de choses mauvaises permises et en usage public, non-seulement par connivence ou permission, mais encore par approbation des loix, comme se dira après en son lieu, ex senatusconsultis et plebiscitis scelera exercentur [2]. Pour descharger un estat et republique de trop de gens, ou de gens bouillants à la guerre, qu’elle ne peust plus porter, comme un corps replet de mauvaises ou trop d’humeurs, l’on les envoye ailleurs s’accommoder aux despens d’autruy : comme les François, Lombards, Goths, Vandales, Tartares, Turcs : pour esviter une guerre civile, l’on en entretient une estrangere. Pour instruire à temperance, Lycurgus faisoit enyvrer les ilotes serfs, pour par ce desbordement faire prendre horreur de ce vice. Les Romains, pour dresser le peuple à la vaillance, et mespris des dangers et de la mort, dressoyent les spectacles furieux des gladiateurs et escrimeurs à outrance : ce qu’ils firent au commencement des criminels, puis des serfs
- ↑ Variantes. Et cecy se voyt non-seulement au faict de la police et de la justice, mais encore en la religion, qui monstre bien que toute la cousture et conduicte humaine est bastie et faicte de pieces maladifves.
- ↑ « On commet des crimes, même en se conformant à des sénatus-consultes et à des plébicistes ». Je crois cette citation de prise de Tacite.
