exemple de la charité et de la justice ; si je rencontre mon parent où mon amy en la guerre de contraire party, par justice je le doibs tuer, par charité l'espargner et
sauver : si un homme est blessé à la mort, où n'aye aucun remede, et n'y reste qu'un languir très douloureux, c'est œuvre de charité de l'achever, comme fist celuy qui acheva Saül à son instante prière ; mais qui seroit puni par justice, comme fut celuy-là par David justement, David estant ministre de la justice et non de la charité privée ; voire estre trouvé près de luy en
lieu escarté, où y a doubte du meurtrier,
bien que ce soit pour luy faire office d’humanité,
est très dangereux ; et n’y peut aller de
moins que d’estre travaillé par la justice, pour
repondre de cet accident, dont l’on est innocent.
Et voilà comment la justice non-seulement
heurte la charité, mais elle-mesme
s’entrave et s’empesche, dont est très-bien dict, et au vray, summum jus, summa injuria
[1].
Le troisiesme plus notable de tous : l’on est contrainct souvent de se servir et user de mauvais moyens pour eviter et sortir d’un plus grand mal, ou pour parvenir à une bonne fin ; tellement qu’il faut quelques fois legitimer et authoriser non-seulement les choses qui ne sont point bonnes, mais encore les mauvaises ; comme si pour estre bon il falloit estre
- ↑ « Une injustice trop rigoureuse est une grande injustice ».