Cecy est encore plus vray des vices qui sont opposites les uns aux autres.
Le second est que bien souvent l’on ne peust accomplir ce qui est d’une vertu sans le heurt et offence d’une autre vertu, ou d’elle-mesme ; d’autant qu’elles s’entre-empeschent : d’où vient que l’on ne peut satisfaire à l’une qu’aux despens de l’autre [1]. Et de cecy ne s'en faut prendre à la vertu, n'y penser que les vertus se contrarient, car elles ont très bien d'accord, mais à la foiblesse et condition humaine, estant toute sa suffisance [2] et son industrie si courte et si foible, qu'elle ne peust se trouver un reiglement certain, universel et constant à estre homme de bien : et ne peust si bien adviser et pourvoir, que les moyens de bienfaire ne s'entre-empeschent souvent. Prenons
- ↑ Variantes. C’est tousjours descouvrir un autel pour en couvrir un autre : tant est courte et foible toute la suffisance humaine, qu’elle ne peust bailler ny recevoir un reiglement certain, universel, et constant à estre homme de bien ; et ne peust si bien adviser et pourvoir, que les moyens de bien faire ne s’entre-empeschent souvent. La charité et la justice se contredisent ; si je rencontre mon parent et amy en la guerre de contraire party, par justice je le doibs tuer ; par charité l’espargner et sauver. Si un homme est blessé à la mort, où n’y aye aucun remede, et n’y reste qu’un languir très douloureux, c’est œuvre de charité de l’achever, mais qui seroit puni par justice.
- ↑ Capacité.
