racheter et l’allonger de quelque delay, à toutes
les conditions que l’on voudra, pensant qu’elle
ne sçauroit estre trop cherement achetée ; car
c’est tout : c’est son mot, vita nihil carius
[1];
il estime et ayme la vie pour l’amour d’elle-mesme,
il ne vist que pour vivre. Ce n’est merveille
s’il faut
[2]
en tout le reste, et s’il est tout
confit en erreurs, puis que, dès l’entrée et
en ce premier poinct fondamental, il se mescompte
si lourdement. Elle pourroit bien aussi
estre trop peu estimée par insuffisance ou
orgueilleuse mescognoissance ; car tombant en
bonnes et sages mains, elle peust estre instrument
très utile à soy et à autruy. Et ne puis
estre de cest advis prins tout simplement, qui
dict qu’il est très bon de n’estre poinct, et que
la meilleure vie est la plus courte : optimum non nasci aut quàm citissimè aboleri
[3]
Et n’est assez ny sagement dict, quel mal et
- ↑ « Rien n'est plus cher que la vie ».
- ↑ S'il erre. Faut, du verbe faillir.
- ↑
« Le plus avantageux est de ne pas naitre, ou de mourir le plus tôt possible ». — Cette maxime était célèbre parmi les anciens. Théogonide la renferma en quatre vers grecs, et Ausone dans ce seul vers latin :
- Non nasci esse bonum, aut natum citò morte potiri.