par art, comme il faict ; et non seulement d’elles, mais de son compagnon, d’un autre homme, chose bien
vilaine : les bestes ne s’assemblent en troupe,
pour aller destruire, ravager et prendre esclave
une autre troupe de leurs semblables,
comme font les hommes.
Le quatriesme et grand advantage pretendu par l’homme est en la vertu : mais de la morale il est disputable (j'entends morale matériellement pour l'action externe) ; car formellement la moralité, bonne ou mauvaise, vertu et vice, (qui ne peut estre sans le franc arbitre et est matiere de merite et demerite) ne peust estre en la betse : la recognoissance, l'amitié officieuse, la fidelité, la magnanimité, et tant d'autres, qui consistent en société et conversation, sont bien plus vives, plus expresses et constantes qu'au commun des hommes. Hircanus le chien de Lysimachus demeura sur le lict de son maistre mort sans vouloir jamais manger ny boire, et se jetta au feu où fut mis le corps de son maistre, et s’y laissa brusler avec luy : tout le mesme en fist un autre appartenant à un certain Pyrrhus : celuy du sage Hesiode decela les meurtriers de son maistre ; un autre de mesme en la presence du roi Pyrrhus et de toute son armée : un autre qui ne cessa, comme affirme Plutarque, allant de ville en ville, jusques à ce qu’il eust faict venir en justice le sacrilege et voleur du temple d’Athenes. L’histoire est celebre du lyon hoste et nourricier
