verbal, de la practique auec la théorique. S’il est permis deparler de moy, je diray confidemment, MONSEIGNEVR,
auec vostre permission, que du premier jour que feu ce bien de vous voir et considérer seulement des yeux, ce que je fis fort attentiuement, ayant auparauant la teste pleine du bruit de vostre nom,
je fus touché d'une inclination,et despuis ay tousiours porté en mon cœur, une entière affection
et desir à vostre bien, grandeur et prosperité.
Mais estant de ceux qui n'ont que les desirs en leur
pouuoir, et les mains trop courtes pour venir aux effects, je l'ay voulu dire au monde, et la publier par cest offre que je vous fais ires humblement, certes de très riche estoffe, car qu’y a-il de plus grand en vous au monde, que la Sagesse ?
Mais qui meriteroit d'estre plus elabouré et
releué pour vous estre présenté. Ce qui pourra estre auec le tems qui afine et recuit toutes choses : et de vray voici un subject infini, auquel l’on peut adjouster tousjours : mais tel qu'il est je me fie, qu'il sera humainement receu de vous, et peut estre employé à la lecture de Messeigneurs
vos enfans, qui après l idée vive, et patron animé
de Sagesse en vous, y trouueront quelques traits et lineamens :
et de ma part je demeurerai tousiours,
- MONSEIGNEVR,
- Vostre tres humble
- et tres-obeissant seruiteur,
- CHARRON.
