quel ainsi demeureroit mort, il est bien hardi et choque rudement la nature : de dire que non entiere mais la seule imaginative ou intellectuelle est emportée, et que la vegetative demeure, c’est s’embarasser encores plus ; car ainsi l’ame unique en son
essence, seroit divisée, ou bien l’accident seul seroit
emporté et non la substance. Quant à l'humaine,
sans-doubte il n’y a point de separation d’ame, mais
seulement suspension de ses actions externes et patentes.
Ce que devient l’ame, et quel est son estat après sa separation naturelle par mort, les opinions sont diverses, et ce poinct n’est du subject de ce livre. La metempsycose et transanimation de Pythagoras a esté aucunement embrassée par les Academiciens, Stoïciens, Egyptiens, et autres, non toutesfois de tous en mesme sens ; car les uns l’ont admise seulement pour la punition des meschans, comme se lit de Nabuchodonosor changé en bœuf par punition divine. D’autres et plusieurs grands ont pensé que les ames bonnes et excellentes estans separées, devenoient anges, comme les meschantes, diables ; il eust esté plus doux de les dire semblables à eux, non nubent, sed erunt sicut angeli [1]. Aucuns ont dict que les ames des plus meschans estoient au bout de quelque long
- ↑ « Ils ne se marieront pas, mais ils seront comme des anges ».
