les deux autres, comme aux nombres, le plus grand contient les moindres, et aux figures, le pentagone contient le tetragone, et celluy-ci le trigone. J'ay dit l'intellective plus tost que le raisonnable, qui est comprise en l'intellective, comme le moindre au plus grand : car le raisonnable, en quelque sens et mesure, selon tous les plus grands philosophes, et l'experience se trouve aux bestes, mais non l'intellective qui est plus haute. Sictus equus et mulus, in quibus non est intellectus
[1]. L'ame donc est non le principe ; ce mot ne convient proprement qu'à l'autheur souverain premier ; mais cause interne de vie, mouvement, sentiment, entendement. Elle meut le corps, et n'est point meue ; ainsi qu'au contraire le corps est meu, et ne meut point : elle meut, dis-je, le corps, et non soy-mesme que Dieu, et tout ce qui se meut soy-mesme que Dieu, et tout ce qui se meut soy-mesme est eternel, et maistre de soy : et ce qu'elle meut le corps, ne l'a point de soy, mais de plus haut.
De quelle nature et essence est l'ame, humaine s'entend (car la brutale [2]est sans aucun doute est cor-
