<poem style="margin-left:8em; font-size:100%"> RONDEAU CLXXX. Réponse du duc d’Orléans. C’est une dangereuse espergne D’amasser trésor de regrés ; Qui de son cueur les tient trop près, Il convient que mal lui en preigne. Veu qu’ilz sont si oultre l’enseigne, Non pas assez nuysans, mais très, C’est une dangereuse espergne D’amasser trésor de regrés. Se je mens, que l’en m’en repreigne ; Soient essayez, puis après On saura leurs tourmens segrés ; Qui ne m’en croira, si l’apreigne; C’est une dangereuse espergne.
RONDEAU CLXXXI. A Frédet. Le fer est chault, il le fault batre, Vostre fait que savez va bien ; Tout le saurez, sans celer rien. Se venez vers moy vous esbatre. Il a convenu fort combatre. Mais, s’il vous plaist, pariait le tien Le fer est chault, il le fault batre, Vostre fait que savez va bien. Convoitise vouloit rabatre
