Cette page n’a pas encore été corrigée
<poem style="margin-left:8em; font-size:100%"> RONDEAU LXXXI. Vous y fiez vous En Mondain Espoir ? S’il scet décevoir, Demandez ù tous. Son attrait est doulx, Pour gens mieulx avoir. Vous y fiez vous En Mondain Espoir ? De joye ou courroux, Soing ou nonchaloir, Veult, à son vouloir, Tenir les deux boux, Vous y fiez vous ?
RONDEAU LXXXII. Fiez vous y. A qui ? En quoi ? Comme je voy, Riens n’est sans sy. Ce monde cy A sy Pou foy. Fiez vous y. A qui? Plus je n’en dy, N’escry, Pourquoi ? Chascun j’en croy S’il est ainsy ; Fiez vous y !