Cette page n’a pas encore été corrigée
<poem style="margin-left:6em; font-size:100%"> Que vostre soye. Maugré jalous , Foy vous tendroye; Or si, ma joye, Accordons nous, Le voulez vous? RONDEAU XXVIII. Crevez moy les yeulx Que ne voye goutte, Car trop je redoutte Beaulté en tous lieux. Ravir jusqu’aux cieulx Veult ma joye toute ; Crevez moy les yeulx Que ne voye goutte. D’elle me gard Dieux, Affin qu’en sa route Jamais ne me boute; N’esse pour le mieulx? Crevez moy les yeux. Quant je la regarde, Elle vient ferir Mon cueur, de la darde D’amoureux désir; Crevez moy les yeulx. RONDEAU XXIX. Jeunes amoureux nouveaulx, En la nouvelle saison.
