Le texte de cette page a été corrigé et est conforme au fac-similé.
RONDEAUX.
____________
RONDEAU I.
Puisqu’Amour veult que banny soye
De son hostel, sans revenir,
Je voy bien qu’il m’en fault partir,
Effacé du livre de Joye.
Plus demeurer je n’y pourroye,
Car pas ne doy ce mois servir,
Puisqu’Amour veult que banny soye
De son hostel, sans revenir.
De Confort ay perdu la voye,
Et ne me veult on plus ouvrir
La barrière de Doulx Plaisir,
Par Desespoir qui me guerroye
Puis qu’Amour veult que banny soye.
RONDEAU II.
Pour le don que vous m’avez donné,
Dont tresgrant gré vous doy savoir,
J’ay congneu vostre bon vouloir,
