<poem style="margin-left:6em; font-size:100%"> CHANSON CIV. Helas ! et qui ne l’aymeroit De Bourbon le droit héritier, Qui a l’estomac de papier Et aura la goûte de droit ! Se Lymosin ne lui aidoit, Il mourroit, tesmoing Villequier. Helas ! et qui ne l’aymeroit De Bourbon le droit héritier? Jamais plus hault ne sailliroit, S’elle lui monstroit ung dangier ; Et pource, Fayete et Gouffier Aidiez chascun en votre endroit; Helas! et qui ne l’aymeroit ! CHANSON CV. Dieu vous envoyé pascience, Gentil conte Cleremontois, Vous congnoissez, à ceste fois, Qu’est d’amoureuse pénitence. Puis qu’estes hors de la présence De celle que bien je congnois, Dieu vous envoyé pascience,- Gentil conte Cleremontois. Vouer vous povez aliance A la riche, comme je croys ; Ne vous trouverez de ce mois, Las ! trop estes loing dalegance; Dieu vous envoyé pascience.
Page:Charles d Orléans - Poésies complètes, Flammarion, 1915.djvu/341
Cette page n’a pas encore été corrigée
![](http://upload.wikimedia.org/wikipedia/commons/thumb/8/8d/Charles_d_Orl%C3%A9ans_-_Po%C3%A9sies_compl%C3%A8tes%2C_Flammarion%2C_1915.djvu/page341-1024px-Charles_d_Orl%C3%A9ans_-_Po%C3%A9sies_compl%C3%A8tes%2C_Flammarion%2C_1915.djvu.jpg)