Logiez moy entre voz bras
Et m’envoyez doulx baisier.
Pour Dieu, ne l’esveillez pas
Ce faulx, envieux Dangier;
Jamais ne puist s’esveillier !
Faittes tos.t et parlez bas,
Logiez moy entre voz bras.
CHANSON LXXIV.
Se Dangier me toit le parler
A vous, mon bel amy, sans per,
Par le pourchas des envieux ,
Non plus qu’on toucheroit aux cieulx
Ne me tendray de vous amer.
Car mon cueur m’a voulu laissier
Pour soy du tout à vous donner
Et pour estre vostre en tous lieux,
Se Dangier me toit le parler
A vous, mon bel amy, sans per,
Par le pourchas des envieux.
Tout son povoir ne peut garder
Que, sur tous autres, n’aye chier
Vostre gent corps, tresgracieux ;
Et se ne vous voy de mes yeulx.
Pour tant ne vous veuil je changier,
Se Dangier me toit le parler.
CHANSON LXXV.
Fault il aveugle devenir?
N’ose l’en plus les yeulx ouvrir,
Page:Charles d Orléans - Poésies complètes, Flammarion, 1915.djvu/324
Cette page n’a pas encore été corrigée