Page:Charles d Orléans - Poésies complètes, Flammarion, 1915.djvu/314

Vers la beauté dont estes plaine,
Mais au fort, ma joye mondaine,
J’endureray pour avoir mieuix,
Malade de mal ennuieux.
CHANSON LV.
Tousjours dictes : Attendez, attendez;
Pas ne payez vos reconfors contens ,
Joyeulx Espoir, dont maints sont malcontens,
Qui ne scevent comment vous l’entendez.
De Fortune, pour Dieu, l’arc destendez;
Ne souffrez plus qu’elle face contens.
Tousjours dictes : Attendez, attendez.
Pas ne payez vos reconfors contens.
Vostre grâce tost sur moy estandez.
Vous congnoissez assez à quoy contens ;
Plus ne perdray un tel trésor com temps
Ainsi que fait qui son eur met en dez ;
Tousjours dictes : Attendez, attendez.
CHANSON LVI.
Resjouissez plus ung peu ma pensée ,
Léal Espoir, et me donnez secours ;
Tousjours fuyez et après vous je cours ,
Où j’ay assezde paine despensée.
La verray je jamais recompensée ?
Quelque office lui donnez en voz cours ;
Resjouissez plus ung peu ma pensée,
Léal Espoir, et me donnez secours.
La penance soit par vous dispensée ,