Page:Charles d Orléans - Poésies complètes, Flammarion, 1915.djvu/312

CHANSON LI.
Trop entré en la haulte game ,
xMon cueur, d’ut, ré, mi, fa, sol, la,
Fut jà pieçà, quant l’afola
Le trait du regart de ma Dame.
Fors lui, on n’en doit blasmer ame,
Puis qu’ainsi fait, comme fol’ l’a.
Trop entré en la haulte game ,
Mon cueur, d’ut, ré, mi, fa, sol, la.
Mieulx l’eust valu estre soubz lame,
Car sottement s’en afola ;
Si, lui dis je : mon cueur, holâ !
Mais conte n’en tint, sur mon ame,
Trop entré en la haulte game.
CHANSON LU.
Se desplaire ne vous doubtoye,
Voulentiers je vous embleroye
Ung doux baisier privéement ,
Et garderoye seurement
Dedens le trésor de ma joye.
Mais que Dangier soit hors de voye,
Et que sans presse je vous voye.
Belle que j’ayme loyaument,
Se desplaire ne vous doubtoye ,
Voulentiers je vous embleroye
Un doux baisier privéement.
Jamais ne m’en confesseroye,
Ne pour larrecin le tendroye ,