Page:Charles d Orléans - Poésies complètes, Flammarion, 1915.djvu/304

Tresoriere je vous voy ordonnée
A le garder en plaisance et doulceur,
Pour les grans biens de vostre renommée,
Dont j’oy parler à vostre grant honneur.
Recevez le, s’il vous plaist et agrée,
Da mien ne puis vous donner don meilleur;
C’est mon vaillant, c’est mon trésor greigneur ,
A vous l’offre de loyalle pensée ,
Pour les grans biens de vostre renommée.
CHANSON XXXVIII.
Aidez ce povre cayment,
Souspir, je le vous recommande ;
De vous, quant ausmone demande,
Ne se parte meschantement.
Son cas monstre piteusement,
Il semble que la mort actende.
Aidez ce povre cayment
Souspir, je le vous recommande.
Donnez lui assez largement,
Qu’il ne meure, Dieu l’en deffende;
Affin que n’en faictes amende,
Au jour d’amoureux jugement,
Aidez ce povre cayment.
CHANSON.
Réponse par Philippe de Boulainviiliers. -
Hola, hola, souspir, on vous oit bien,
Vous vous cuidez embler trop coyement.