CHANSON Vin.
Que me conseilliez vous, mon cueur,
Irai je par devers la belle ,
Luy dire la paine mortelle
Que souffrez pour elle en doleur ?
Pour vostre bien et son honneur,
C’est droit que vostre conseil celle.
Que me conseilliez vous, mon cueur,
Irai je par devers la belle ?
Si plaine la sçay de doulceur
Que trouveray mercy en elle,
Tost en aurez bonne nouvelle.
C’y vois, n’est ce pour le meilleur;
Que me conseilliez vous, mon cueur?
CHANSON IX.
Ou regard de voz beaulx, doulx yeulx.
Dont loing suis par les envieux.
Me souhaide si tressouvent
Que mon penser est seulement
En vostre gent corps gracieux.
Savez pourquoy, mon bien joyeulx,
Celle du monde qu’ayme mieulx
De loyal cueur, sans changement ,
Ou regart de vos beaulx, doulx eulx,
Dont loing suis par les envieux,
Me souhaide si tressouvent ?
Pource que vers mov en tous lieux
J’ay trouvé plaisir ennuieux
Page:Charles d Orléans - Poésies complètes, Flammarion, 1915.djvu/289
Cette page n’a pas encore été corrigée
![](http://upload.wikimedia.org/wikipedia/commons/thumb/8/8d/Charles_d_Orl%C3%A9ans_-_Po%C3%A9sies_compl%C3%A8tes%2C_Flammarion%2C_1915.djvu/page289-1024px-Charles_d_Orl%C3%A9ans_-_Po%C3%A9sies_compl%C3%A8tes%2C_Flammarion%2C_1915.djvu.jpg)