Mais bien seroit il maleureux
Qui donneroit en ce créance.
On pcul veoir que celle penance,
Qu’il lui a convenu souffrir,
N’a fait son visage pallir
Ne amaigrir de maladie,
Ainsi se moque, pour chevir,
Des grans biens de ma seigneurie.
Sur tous, me plaist le retenir
Roys des heraulx pour bien mentir ;
Cfst office je luy ottrie,
C’est ce que lui veuil departir
Des grans biens de ma seigneurie.
Cupido, Dieu des amoureux.
Prince de joyeuse plaisance,
Moi, Garencieres, tressoingneux
De vous servir de ma puissance,
Viens vers vous, en obéissance.
Pour vous humblement requerir
Que vous veuilliez faire punir
Un homme de mauvaise vie,
Qui, contre raison, veult tenir
Le droit de vostre seigneurie.
C’est un enfant malicieux,
Où nul ne doit avoir fiance.
