Si n’est homme ne feme ; tot por voir lo[r] conterent ;[1]
Et si [mut] de Coloigne, que il lo demanderent.[2]
Apres vient l’archevesque et li clerc qui chanterent.
Si comme li cors vient, li malade sanerent
Qui tochent à saint cors et sor ax l’adesserent.
Quant li clergie l’oïrent, Damedex en loerent.
« Seignor, dist l’archevesques, quant il [ont tot] oï,[3]
Alons nos revestir, por amor Deu vos pri :
Encontre cest saint cors qui si nos vient issi,
[Ferons] procession, ge lo lo bien issi.[4]
Il remenra çaiens, [loiaument vos affi].[5]
Dex nos a fait samblant, molt bele vile a ci ;
Li saint sonent par ax, tels vertus mais ne vi.
Ge cuit ce est mes sires qui ensinc s’enfoï.
En aucun de [ces] bois l’ont li larron murdri,[6]
Et ci se velt gissir là où il [fu] norri. »[7]
Quant Aymons ot l’esvesque, si est avant sailli,
Et Yvons ses chiers freres qui estoit avec lu[i],[8]
Aalart et Guichart et Richart lo hardi ;
Tuit erent à Tremoingne, venu par .i. juesdi,[9]
Por demander novelles de lor chernel ami.
Alarz parla premiers qui estoit [palazin] :[10]
« Sire evesques, por Dex, fait il, alomes i.
Je cuit vos dites voir, el cuer [me tient ainsi]. »[11]
La processions vient, richement ordonée,
Li clerc en vont chantant à molt grant alenée.
Tuit issent de la vile de Dex enluminée.
Ases pres de la porte ont la biere encontrée.
- ↑ 18380 L lo. B manque le vers. Ne paraît point à sa place.
- ↑ 18381 L vient. B mot.
- ↑ 18386 L il a tot. B chil ont tout.
- ↑ 18389 L Sevrons. B Faisons.
- ↑ 18390 L répète : ge lo bien issi. B loiaument vous affi.
- ↑ 18394 L les. B ces.
- ↑ 18395 L est. B là où se veut nourrir. B hésite à accepter que Renaud ait été nourri à Tremogne, et cependant, sans la confusion de Dordone, Dordogne, Tremogne, la légende pieuse se justifiait mal. P A et le ms. Laud s’arrêtent à Creoigne.
- ↑ 18397 Lettre effacée.
- ↑ 18399-18401 manquent à B.
- ↑ 18401 L pelerin.
- ↑ 18403 L tiet a mi. B mes cuers le pense ensi.
