[Ne cuidiez qu’à l’ovrier feïssiens mal avoir][1],
Mais ne lo faissons mie por l’or ne por avoir,
Por crieme del pechié qe i devons avoir,
Qui por del vostre ovroit et avoit son espoir. »[2]
A itant l’ont laissié si com en [n]on chaloir.[3]
Et li cors fu en l’eve par lo felon savoir.
Tant ala tornoiant à force et à espoir[4]
Qu’il chaï el chasnel qui est parfont et noir ;[5]
Si [vait] comme carriax quant il doit esmovoir.[6]
Il s’en ala avant, mis est à esmovoir.
Mais Dex i fist miracles qu’an doit amentevoir,
Que trestuit li poisson i vienent à pooir.
Deci qu’à une lieuze, par lo Jhesu pooir,
N’i a rem[e]is poisson qui force doie avoir.[7]
Tot droitement i viegnent là où orent esp[oir].[8]
Li gregnor vont avant qui avoient pooir.[9]
Par lo commandement de Dex lo pere voir
Ont si tenu lo cors qu’il ne se puet movoir ;
Si [l’]ont tant soulevé que Deu dona lo soir,[10]
Par de desures l’eve firent lo cors paroir,
Dont i vint tel clartés par lo Jhesu voloir,
Bien i parut trois cierges [que] l’an vit cler ar[doir] ;[11]
Et les angles chanter et haus chans esmovoir.[12]
- ↑ 18226 Sic B. L manque.
- ↑ 18229 B Et pour le vostre amour où avoir sout espoir.
- ↑ 18230 L en on. A B en non.
- ↑ 18232 B et a pooir.
- ↑ 18233 B orrible et noir. A orriblez estoit.
- ↑ 18234 L Si i vont. B Si vient.
- ↑ 18239 L remis.
- ↑ sien voloir.
- ↑ 18241-18242 B si com Diex le voloit Par son digne commant et par le
- ↑ 18244 L Si vont tant. B Si l’ont tant portenu.
- ↑ 18247 L qui. Lettres rognées. B, d’un goût plus exigeant, ne prend les cierges que pour termes de comparaison : Com se fuissent .iii. chierge c’on feïst cler ardoir. A changeant les rimes : Bien part .m. ciergez i ardent à l’iaue iqui endroit, Et li anglez i sont qui chantent à esploit Et li font son servise tel c’on le doit avoir.
- ↑ 18248 L angeles. B n’a pas le vers suivant.
