Page:Castets - La Chanson des quatre fils Aymon, 1909.djvu/790

762

les quatre fils aymon

Ne s’en voit par corroz, por vostre amor avoir,
15085Fors Guenelon le conte ; cil ne s’an volt movoir,
Ne nus de son lignage ; vez les tantes seoir. »

Quant Renaus vit François et la grant baronie^[1]
Qui s’an vont por Richart qui n’a do roi aye,
Dont li mua li cuers, tant fort li atan[d]rie,^[2]
15090Qu’il li covint plorer, ne se pot tenir mie.
Donc garda vers Richart à la chiere hardie ;
Au pié li vait cheoir, por Diex merci li crie,^[3]
Que s’ire li pardoint et la grant vilenie.
« Renaus, ce dist Richars, vos parles de folie ;^[4]
15095Car vos n’en poez mais, par Dex lo fil Marie ;
Que tort vos fait li rois qui issi vos guerrie. »

Renaus sailli en piés comme homme debonaire ;
S’a lo duc desloié, qui il ot fait contraire.
Aalars li aida, qui ne s’en vost retraire,
15100Ne Richars ne Guichars, qui sont de bel afaire.
« Richart, ce dist Renaus, par lo cors saint Ylaire,
[Apoon nos ici] à cel mur qui resclaire.^[5]
Si agaitons lo roi, savoir qu’il voldra faire. »
« Bien dites, dist li dus, ge ne m’en voil retraire. »

15105[Apoié sunt] a[u] mur, si com poes oïr,^[6]
Et Charles fu en l’ost, où il n’ot que marrir.
Quant refrains fu de s’ire, si gita .i. sopir ;
M 397Lors garda entor lui belement, à loissir ;
Ains n’i pot per ne conte ne chevalier veïr.
15110Lors apele .i. sergant qu’il vit vers lui venir.
« Va, dist il, monte tost, nel fai pas par loissir,
[Si] poing apres Rollant qui s’en va par aïr,^[7]
[Et apres mes barons que ne pui retenir].^[8]
Di lor que ge lor mant : ge ferai lor plaissir ;

1. 15087 M de Franche la riche baronnie. Michelant : de France la grande baronie.
2. 15089 L atanrie. M Tout le creva le cuer, tant fort li atendrie.
3. 15092 L li merci crie. Ordre des mots d’après M.
4. 15094 A M Je ne vous blasme mie qu’imprime Michelant. Cela me paraît un adoucissement.
5. 15102 Sic M. L A poi ne vos oci.
6. 15105 L Apoiez s’est à. M Apuié sunt au mur.
7. 15112 L Se. M Et.
8. 15113 Pris de M. L manque.