Page:Castets - La Chanson des quatre fils Aymon, 1909.djvu/756

728

les quatre fils aymon

.ii. hommes effraés don chascuns se demente ;
Ils batirent lor paumes, fait orent male vente.^[1]
Quant Maugis l’a veü, de hidor s’espovente,^[2]
Ne por hec avant vait, et dit à sa vois jente :^[3]
14260« Signor, Diex soit o vos et vos gart de tormente. »
Li uns d’aus respondi, que il n’i fist entente :
« [Mar en somes gardés, que deable nous tente]^[4]
M 375[Quant] en cest bois entrames et i preïsmes sente ;^[5]
Max nos i est venus, par la dame plus gente. »^[6]

14265Maugis oï celui qui si se dementa.
« Sire, ce dist Maugis, dites moi comment va ? »
« Bons hom, ce dist li uns, et tu lo sauras ja.
Ci devant a larrons que diable angendra ;
Ils nos ont derobé, dont molt mal nos esta.
14270Dras portion à vendre, durement costé a ;
Or nos ont tot tolu, vez les là où sunt ja.
Un nos compains ont mort, sol porce qu’il parla.^[7]
[Que] celui Dame Deu qui lo mont estora,^[8]
Lor otroit male honte, jamais nes [amera]. »^[9]

14275Quant Maugis ot celui qui si est en esmai,
Errament lor a dit, que il n’i fist delai :
« Amis, venez avant, à ax vos conduirai.
Por l’amor Dame Dex, certes lor proierai
Que [lo] vostre vos rendent, [dont] ils vos ont fait lai.^[10]
14280Par Dex, se il ne font, ge me corrocerai.
Bien vos di loiaument, à ax me mellerai
Et de ceste potente les tes lor briserai. »^[11]

1. 14257 M Et batoient.
2. 14258 M si en ot le cuer tendre, mais ne rime pas.
3. 14259 M Neporquant, que Michelant met au texte, sans note, malgré l’intérêt de ne por hec.
4. 14262 Sic M. L manque.
5. 14263 Sic M. L Car.
6. 14264 M manque.
7. 14272 M por itant que parla
8. 14273 L manque Que. M manque le vers.
9. 14274 L amerai. Le scribe a été gêné par la forme en a. M passe le vers.
10. 14279 Sic M. L lor, que.
11. 14282 Sic L. M potente lor tastez bruiseroi. Michelant prend ici testes lor, mais respecte test au v. 14315 (p. 376, v. 15 de son éd.).