Page:Castets - La Chanson des quatre fils Aymon, 1909.djvu/623

595

les quatre fils aymon

« Par foi, ce dist li rois, volentiers et de gré.
Venes avant, Rollant, vos l’estuet afier.
10355Oliviers de Viane et Estout le membré,^[1]
M 273Richars de Normendie et Ydelon le ber
Li .i. en apres l’autre le vont tot afier.
« Par mon chief, ce dist Charles, ja mar en doteres.
Il n’a si riche prince en la Crestienté,
10360S’il vos voloit mesfaire, ne fust deserités. »
« Sire, ce dist Ripeus, à moi en entendes.
Encor en i a .i. qui plus m’a regardé ;
C’est cil que plus redout, molt m’a hui rebolé. »^[2]
« Qui est il ? dist li rois, molt weil qu’il soit només. »
10365« Par foi, ce est Ogiers, que je voi là ester. »^[3]
« Venes avant, Ogier, vos l’estuet afier. »
« Sire, ce dist Ogiers, à vostre volenté.
Je plevis à Ripeu la moie loiauté :
S’il maine à Monfaucon Richart por afoler,
10370Ne le garra chastiaus, vile ne fermeté.
Qu’il n’ait perdu la teste ains le tiers jor passé. »^[4]
Quant l’entendi li rois, à poi n’est forsenés ;^[5]
Il ne pot dire mot, tant par fu adolés.
Rollans et Oliviers sunt à Ogier alé,
10375Et dus Names de France et Ydelons li ber :
« Ogier, por Deu del ciel, por coi vos demores ?
Car en laisies Richart isnellement aler.
Tex l’ira encui pandre, qui i sera levés.^[6]
Cuides vos que si frere l’aient si oblié ?
10380Nenil, par saint Denis, ja mar le cuideres.

1. 10355-10357 Manquent à B.
2. 10363 Manque à B M Metz.
3. 10365 B ajoute un vers : Comme Charles l’entent, si l’en a apelé.
4. 10371 B Que ne prenge la teste ains que soit avespré.
5. 10372-10376 Texte de B :

   Comme Kllez l’entent, moult en est aïrés.
   Ogier, chou dist li roys, c’avez vous enpensé ?
   Voles vous envers moi mon traïtor tenser ?
   Sire, chou dist Ogiers, moult miex dire poes.
   Onques ne fui traïtrez, n’hons de mon parenté.
   Ogier, dist Rollans, pour coi vous demourez ?

6. 10378 B qui sera encroés.