Ne mengai de la bouce, bien a passé tiers jor. »
« Par foi, dient François, s’en aures à fuison. »
On li [a] aporté un eschekier reont.[1]
Si li font aporter tot .i. rosti paon[2]
Et simles buletés et vin cler plaine bouz,[3]
Une blanche toaille et .i. coutel selonc ;
Puis li vont doner l’ewe .iiii. fil de contor.
A lui servir a mis li rois .iiii. barons.
« Paumiers, or del mangier et nos vos trancerons. »[4]
Et Maugis, li bons leres, ne dit ne o ne nom,
Ains regarda le roi toudis enmi le front.[5]
Quant le voit Charlemaignes, si l’a mis à raison.
« Paumiers, ce dist li rois, ne me fai celison.[6]
Por coi m’as regardé si forment tote jor ? »
« Sire, ce dist li leres et nos le vos dirom.
Aparmain en saurois trestoute l’ocoison.
Je ai cerchié la terre jusqu’en Carfanaon ;[7]
Jusqu’en Costentinoble conois je les barons ;
Si alai au sepulcre et au flun à bandom.[8]
Là fui je pris, [biau] sire, en grant chaitivison,[9]
Et fui menés à Mec où fu li grans Mahons,[10]
Et est aussi en [air] comme nos vos dirom,[11][12]
A pierres d’aïment quel tienent environ,
Ne devant ne derriere, por voir le vos disom.[13]
- ↑ 9595 L manque a. B on li fait aporter. M Si li ont aporté.
- ↑ 9596 Sic L Metz : B M placent l’équivalent de ce vers après le v. 9597 ce qui supprime le mauvais effet de la répétition de aporter.
- ↑ 9597 M Simeniax buletés et bon vin de saison.
B .ii. gastiaux buletés. Puis l’on a : B Si li ont aporté .i. bon rosti paon. M de même, sauf capon, négligence, puisque M au v. 9642 a aussi paon. Metz : .ii. simes buletés et bon vin à foison.
- ↑ 9601 Sic L Metz. B M serviron.
- ↑ 9603 M tous jors. B tous tans.
- ↑ 9605 L B sic. M tant hui enmi le front.
- ↑ 9609 B en prés Noiron. M entour et environ.
- ↑ 9611 B flum. M fleu.
- ↑ 9612 L bain.
- ↑ 9613 M à Meques. B Meskes. M B où est li.
- ↑ 9614 L oir. B tous tans i est en air.
- ↑ 9614-9623 manquent à M Metz.
- ↑ 9616 B que il ne touche cose.
