Page:Castets - La Chanson des quatre fils Aymon, 1909.djvu/553

525

les quatre fils aymon

Car il l’enconterra ains demain miedi,
8240Adoubé ricement sor Baiart l’arabi.^[1]
Or lairons de Rollant et d’Ogier le hardi,
Si dirons de Renaut ki ot le cuer mari
Por Ric[hart], son bon frere, ki tant est malbailli.^[2]
« Helas ! çou dist Renaus, ke porons devenir,
8245Qant ai perdu mon frere et mon mellor ami ? »
Aallars et Guichars le plorent autresi ;
Por Ric[hart] firent duel li chevalier hardi.

Segnor, or faites pais, por Deu le glorios.
S’oes bone cançon, onc n’oïstes mellor.
8250Durement se demente Renaus, li fix Aymon,
Et tuit li autre frere demainent grant dolor^[3]
Por Richart le menor dont [il sunt en] tristor.
« Ahi ! pere de glore, dist Renaus, que ferons ?
Hui main estiens .iiii., tot chevaliers baron,
8255D’un pere et d’une mere et d’une nascion,
Or ne somme que .iii., ne nos pris .i. boton.
Certes or n’aurai [je jamais] joie à nul jor. »^[4]
Dont se pama Renaus à molt tres grant dolor.
Atant i vint Ma[u]gis, li nobile baron,^[5]
8260Ki siet sor Broieguerre, son destrier aragon,^[6]
Fors Baiart le Renaut, n’avoit mellor el mont ;
Et tenoit en sa mai[n] d’une lance .i. tronçon.^[7]
M 218Molt s’estoit combatus as gués soz Balençon.
Comme il vit [l]es freres demener tel dolor,^[8]
8265Isnelement depart la presse sans demor.
Venus est à Richart ki jut sor le perron,
Le bon vasal navré, dont il est grant dolor.

1. 8240 M et d’armez bien garni.
2. 8243 L Ricier.
3. 8251 L menent grant. M il sunt en tristor. B dont sont en grant frichon. L subit l’impression du vers précédent.
4. 8257 L Certes or n’aurai joie à nul jor. M or n’aroi je jamez joie nul jour. B manque.
5. 8259 L Magis.
6. 8260 M Brotegrise son destrier misaudour.
7. 8262 L mai.
8. 8264 L ses B ses cousins. M Et quant il vit as.