Tant k’i vegne as p[i]és Charle : ilu[e]c doit il garir.[1]
Vos aves Charlemaigne, vostre segnor, traï.
Certes, se volsisies, il fussent pieça pris,
Car vos les esparnastes, car il sunt vostre ami.[2]
Fel soit li emperere, ki France a à ballir,
S’il ne vos fait ardoir et les menbres tolir. »
Com Ogiers l’entendi, si est en piés salis.
« Rollant, vos i mentes, par Deu ki tos nos fist.
Sire, ves ci mon gage por conbatre vers li,
Ke jo ne sui culvers acatés ne conquis.[3]
Onques li miens linage à çou ne se tramist,
Ains sui de mieus de France et de melors amis
Ke Rollans vostre niés ki tant m’a ahati.
Gerars de Rossellon, mes oncles, me nori,
Et dans Dos de Nantuel ki tant est segnoris ;
Li dus Bues d’Aigremont [iert mes oncle autresi].[4]
Cil .iii. furent mi oncle ki m’ont soef nori.[5]
Vivians d’Aigremont fu me[s] prociens cosins.[6]
Si est de mon lignage l’arcevesque Torpins,
Richars de Normendi[e] o le grenon flori.[7]
[Et Aymes de Dordonne iert mon oncle autresi].[8]
Renaus, li fix Aymon, Aallars [li jentis][9]
Et Guichars et Richars, li pre[u] et li hardi[10]
[Sunt mi cosin proçain, de verté le vos di].[11]
Rollant, vostre linage, fetes le moi venir.[12]
Par saint Denis de France à cui vuel obeïr,
Bien me ferai vers vos loial à l’escremir. »
- ↑ 8153 L pes… iluc. M piez… iluec
- ↑ 8156 M vo cousin.
- ↑ 8162 M cuvert ne en char ne en cuir. Metz comme L.
- ↑ 8168 Sic M. L. Ki tant est senoris. B qui ot le poil fleuri.
- ↑ 8169 M que je vous ai nommé chi. Metz : que vos rendirent il.
- ↑ 8170 Michelant lit Unnaus qui fait le vers faux. A B Metz : Viviens d’Aigremont. M Vivien de Monbranc.
- ↑ 8172 L Normendi.
- ↑ 8173 M ajoute ce vers.
- ↑ 8174 Sic M. L B autresi.
- ↑ 8175 L pre. M. preus.
- ↑ 8176 M ajoute ce vers. Metz : En tote France n’a bachelors de tel pris.
- ↑ 8177 M Metz : veïr. B où sont li vostre car le mez (sic) nomme chi.
