Page:Castets - La Chanson des quatre fils Aymon, 1909.djvu/549

Cette page a été validée par deux contributeurs.
521
les quatre fils aymon

« Voire, dist Charlemaignes, de Deu soit il maudis.
Plus dout jo le laron ke home ki soit vis.
S’or avois Renaut dedens ma prison mis
Et Aalart l’ainé et Guichart autresi,
8125Si l’eüsse sor Sains et juré et plevi
Ke jo les garderoie desi à le matin,
Si les aroit enblés ains mienuit Ma[ugis].[1]
Par Deu le glorius ki pardon fist Longis,
Por çou le hé jo plus ke home ki soit vis,
8130Et je pri Damel Deu ki en la crois fu mis,
K’i me face saisi del fel cuvers Maugis.
Ne seroie si liés por le tresor Davi. »[2]
Mais por noient le dit Charles o le f[i]er vis,[3]
Que tenir le pora ains demain miedi.[4]
8135« Sire ce dit Ogiers, par Deu le vos plevis ;
Itel cop me dona Renaus enmi le pis
Que le coing de mon hiaume fist el sablon ferir.
Por coi en mentiroie ? Je m’en sui afuïs.
Sire, drois emperere, par verté le vos di :
8140De .iii.m. chevaliers ke je menai tos vis,
N’en ramenai .xl. ; tot sunt et mort et pris,
[Dont je sui molt dolens, mais les ravoir ne puis. »][5]
« Ogier, ce dist Rollans, vos estes molt hardis ;
Vos n’aves compaignon ki miels sace fuir.
8145Jamais par cel apostre que quierent pelerin,
Si mauvais [cerf] coart de mere ne nasqui.[6]
M 215Unques de Danemarce ne vi prodome issir.
Fix à putain, coars, mauvais sers acatis,[7]
Par .iii. deniers l’an estes aculvertis,
8150En une grande borse seront li denier mis,
Au col d’une levriere et lié et assis.
François doivent le cien bien batre et bien ferir,

  1. 8127 L Magis.
  2. 8132 M ajoute : Que il m’a moult pené et traveillié toudis.
  3. 8133 L fers. M fier.
  4. 8134 M ains que past le tiers dis.
  5. 8142 Sic M ; manque à L.
  6. 8146 L cef. M cerf.
  7. 8148 M racatis.