Mais il n’en prendroit mie tant est de fier talent.
Tel cose puet il faire, par le mien encient,
Qu’entre moi et mes freres le feromes dolent.
Rois Yus m’a retenu, si m’aime durement,
Si me fist cest castiel de perre et de ciment ;
Encor ai avec çou un poi de bone gent
Qui mosteront le roi un si fier mautalent,
Ja ne li [lairai] tere, [castiel][1] ne casement.
Certes de Charlemaigne ne tieng jo [ja noient][2]. »
« Renaut, ce dist Ogiers, trop parles folement.
Desconfit nos aves [de parole sovent][3] ;
Mais se les os ajostent, nos vos ferons [dolent][4].
Reignaus, li fix Aymon, dist Ogiers li Danois,
Desconfis nos aves, vos et cil de Vaucois.[5]
Charles, nostre emperere, est molt preus et [cortois][6].
Ja vo dona il armes, voiant tot les François.
[Son niex li oceïstez [ens] ou palais marbrois,
Ains pais n’an poismez fere ne trestous li François ;
Ains vous getta de France, si fu grans li effrois][7],
Rois Yus vos a fremé castiel en son destrois.
Par le mien entient n’en iert ja li quars mois,
Ens el cuer de sa tere amenrons [les][8] François
Et veras abatus tos ses mellors manois.
Ja n’i pora aidier [Gascons][9] ne Bordelois. »
« Ogier, ce dist Renaus, dont serons nos sordois.
Par la foi que je doi saint Nicol de Vauçois,
Vos ne voldrois pas estre compaignons as François ;
Car nos i [ferrons][10] tant as espiels noielois
- ↑ 4440 L li lai tere catiel.
- ↑ 4441 L jo noienet.
- ↑ 4443 L par parler de noiant. Corrigé sur B C.
- ↑ 4444 L dolet.
- ↑ 4446 LA Desconfis. B Deffié. B Vocois. A. Valchois. La leçon desconfis paraît la plus ancienne, mais on ne sait à quel conflit il est fait allusion ni où peut se placer ce fief de Vaucois ou Vauchois qui est mentionné à plusieurs reprises.
- ↑ 4447 L cortoit, A cortois, B courtois.
- ↑ 4449-4451 Vers pris de A. B n’a que le troisième.
- ↑ 4454 L le
- ↑ 4456 L garçons. A. Gascons.
- ↑ 4460 L. ferons, A B ferrons. A B Viennoiz.
