Page:Castets - La Chanson des quatre fils Aymon, 1909.djvu/425

Cette page a été validée par deux contributeurs.
397
les quatre fils aymon

Ses enemis vos mande que receté aves,[1]
Si li faites cargier .c. chevaliers armés
4405Tant qu’il les puist conduire dedens ses sauvetés.
Et se vos ce ne faites, tos estes desfiés.
Ja ne verrois .iii. mois acomplis ne passés,
Vostre tere ert tot arse, vostre païs gastés ;
En vo cit de Bordiax seres si enserés,
4410François i asaudront as murs et as fossés ;
M.117Ja n’auerois tant de gens que vos li contrestes,
Et se Charles vos prent, à mort estes [livrés][2],
Bien vos est li mesages et dis et [recontés][3] ;
Or me poes repondre totes vos volentés. »
4415a Ogier, dist li rois Yus, vilainement parles.
Je retint les barons, si les ai molt [amés][4]
Renaus a ma seror, ki preus est et senés. »

« Ogier, dist li rois Yus, nel celeron noient.
Je reting les barons, si les aim durement.
4420Renaus a ma seror Aelis[5] au cors gent.
Cest castiel a il fait ki sor la roce pent,
Et si nen ai vers ire ne mautelent,
Ne defié vos ai, par mon cief, de noient ;
Car se je les renoie[6] issi vilainement,
4425Je cuit que l’emperere m’en tendroit molt por lent.
Certes, ains guerpiroie trestot mon casement
Que issi les rendise issi vilainement. »
« Ogier, ce dist Renaus, foi que doi saint Vincent,
Je me jetai de France à duel et à torment.[7]
4430Droiture li voel faire, voiant tote sa gent ;
Mes il n’en volt [pais][8] prendre ne nul acordement.
Encor[9] seroie prest de droit, molt bonement ;

  1. 4403 Metz : demande que aves rechetés, Renaut que je voi là, ses freres autretes, Si com estes ses hom, tot .iiii. li rendes. — M n’a pas le second de ces deux vers.
  2. 4412 L liveres.
  3. 4413 L recondés.
  4. 4416 L amé.
  5. 4420 B Aélis. Metz : Clarissian.
  6. 4424 Metz : rendoie
  7. 4429 Metz Il me geta.
  8. 4431 Sic Metz. L pas.
  9. 4432 L Encore.