Et puplent le castiel maitre communaument.[1]
Or est Montalban fais, li castiaus et la tor,
.v.c. borjois i ot de molt rice valor.
Li .c. sont tavernier et li .c. sont pestror[2].
Et li cent [sont bouchier][3] et li .c. pesceor
Et li .c. [marceant][4] duske Inde major
Et .iii.c. en i ot ki sunt d’autre labor ;
Gardins, vignes commencent à force et à valor.
Li rois aime Renaut de mervelloz amor ;
Vaucors[5] li a donée et trestote l’onor,
.x. mars d’argent en tienent de rente cascun jor ;
Et li [cuens vot avoir][6] del barnage la flor.
Chevalier et serjant, vallet et jogleor,
Tot vi[n]rent[7] à Renaut ki retint par amor.
Molt s’en sunt [mervellié][8] li prince et li contor.
Le roi Yon en blament et metent en error.
« Sire, drois emperere, ce dient li mellor,
Montalban est molt for, si a molt rice tor,
Et Renaus chevaliers que sos siel n’a mellor,
Et car [li][9] donisies ceste vostre seror.
Molt en acroisteries le barnage et la flor. »
- ↑ 4200 A M terminent autrement cette laisse. Texte de M, plus complet ici que A :
Entresi à v ans n’i paieront noient ;
Et chil qui la cauchie paiera bonnement
Tous les jours de sa vie i maindra franquement.
Dont veïssiez venir escuier et serjent,
Vavassour et vilains, menesterex avant ;
Leur avoir i amainent et or fin et argent,
Et tout chen qu’il avoient, n’i lessierent noient. - ↑ 4203 A presteur. M presteour
- ↑ 4204 L marceant. A sont boichers et li .c. changeur.
M sunt bouchier et li chent cangeour. Metz : macetrier.
- ↑ 4205 L marcent. A marchans. M marcheant.
- ↑ 4209 A Vauchois. Metz : Vaueois.
- ↑ 4211 L cus vot avor. Bien complété par Michelant.
A Et Regnaus tient maisnie par mont fiere vigor.
- ↑ 4212 L virent.
- ↑ 4214 L mervellit. A. mervilliez.
- ↑ 4219 L di. A li. Metz : Mais car li.
