Page:Castets - La Chanson des quatre fils Aymon, 1909.djvu/412

416

les quatre fils aymon

Que je nel faice pendre^[1], ja n’en ert trestorné^[2]. »
« Sire, ce dist Renaus, ce n’ert ja par mon gré ;
4040Car je li a[i]^[3] par foi loiaument afié
Que ja n’auera le cors honi [ne]^[4] vergondé,
Et je li tendrai bien, s’il vos plest, verité.
En vo ca[r]tre^[5] soit mis, quant il soit avespré ;
A mangier et à boire ait là ens à plenté.
4045S’en prenes raençon à vostre volenté.
Son ceval^[6] sera miens ; je l’ai [Richart] doné,
[Son haubert et son helme et son branc aceré]^[7]. »
« Certes, ce dist li rois, molt aves bien parl[é]^[8],
Et je ferai issi tote vo volenté. »
4050Et li roi et li prince^[9] ont grant joie mené
Ens es fons de la ca[r]tre^[10] ont Begon avalé ;
Plus d’un mois et demi a là dedans [esté].^[11]

Or orent à Bord[i]ax^[12] grant joie et grant baudor
De la desconfiture dont Dex lor fist honor.
4055Communaument li dient^[13] li grant et li menor :
« Ainc mais n’avint tel cose à fil d’empereor ;
Baiar[s]^[14] prist le ceval [et] Renaus le segnor. »
Li rois Yus de Gascoingne le fist metre en sa tor,
Et Beges l’apela, si li dist par amor :
4060« Et car nos acordomes, [si me]^[15] faites honor.
De trestot mon barnaige aves ici la flor.

1. 4038 A face pendre et au vent ancruer.
2. 4038 A ja n’iert par moi grevé.
3. 4040 L a. A ay. Pour a bourguignon au lieu de ai que l’on a vu déjà, v. R. des L. Rom. 1906, p. 428.
4. 4041 L en. A Que ja n’iert ses corps honis ne vergondez.
5. 4043 L Catre. A chartre.
6. 4046 A Ciz destrier. L Ricier. A Richart. Metz : Ses destriers.
7. 4047 Pris de A Metz, manque à L.
8. 4048 L parlei.
9. 4050 A Et li dus.
10. 4151 L catre. A chartre. A devalé.
11. 4052 L demie. A esté. Manque à L.
12. 4053 L Bordax. A Bordiax.
13. 4055 A Metz le dient.
14. 4057 L Baiart… à Renaut. A Baiars et Renaus. Metz : Renaus prist.
15. 4060 L se li faites. A Metz si me.