Faites apareillier les destriers orquenois ;
Si nos en issons fors devers ces Orlenois.[1]
- ↑ 2280 À ce vers commence dans B C un épisode particulier, qui a pour sujet la prise de l’escarboucle qui ornait la tente du roi. Je le donne d’après C corrigé à l’occasion sur B. Renaud qui dans cette version n’a à mentionner ni le comte d’Etampes ni les Orléanais, continue à parler :
Trop a riche pomel desus son tref li rois,
.i. escharboucle [i a qui vaut tout Amienois].
De toz sens en voit on .iiii. lues ou trois
Ja tant ne fera nuit. Forment l’aime li rois.
Je li chalengerai ainz que viegne li soirs ;
S’il estoit en ma tor, il ne l’auroit des mois.
Or ont cil du chastel entendu et oï
Qu’au tref l’empereor iront tot aati.
De lor armes se sont apresté et garni,
Et issent du chastel, ni ot noise ne cri.
Quant les virent François, moult furent esbahi.
Li rois saut de son tref, tot à pié s’enfui,
Au tré [Aimon] s’en vait qui contre lui sali.
Sire Aimon, dist li rois, por amor Deu merci.
Renaus et si baron m’ont chacié jusques ci.
L’escharboucle ai perdu que je ai tant cheri.
Sire, ce a dit Aimes, ne vos esmaiez si.
Bien serez secoru, se Dex l’a consenti.
Lors s’arment li François, si enforce li cris.
Et Renaus et li sien ne sont pas esbahi.
Trenchent cordes et pieus aval le pré flori.
Le tref le roi ont fait à la terre flatir.
Renaus vint au pomel, si l’a moult tost saisi,
Où l’escharboucle fu qui vaut [la tour] David.
Entre ses braz le prent, du paveillon issi,
Et tuit si compaignon, la dame Deu merci,
Onques n’i ont perdu vaillant .i. parisis.
Mais se Dex nes secort, il n’ira pas ensi,
Que li François se sont armé et fervesti :
Le champ ont commencié à eure de midi ;
Ne s’en torneront mès, s’ierent cop departi.
Or s’en vont li François tot rengié et serré,
Renaus se retorna, si a [l’ost] esgardé,
S’en a veü issir maint chevalier armé ;
Tout en furent couvert et la terre et li pré.
E Dex ! ce dist li rois (corr. li dus), or ai ma volenté.
Lor omes apela, si lor dist : Ça, venez.
Seignor, ce dist Renaus, por sainte charité,