Page:Castets - La Chanson des quatre fils Aymon, 1909.djvu/311

299

les quatre fils aymon

Or le m’envoie mort sor .i. destrier ferrant. »^[1]
815Et Naymes respondi : « Ne te va atargent ;
Mais alons à l’encontre tost et isnellement.
A Saint Germain des Prés le metons maintenant. »^[2]
« Barons, dist l’empereres, tot à vostre commant. »
Charles part de Paris, qui le cuer ot dolant,
820Et o lui en alerent de chevaliers .vii. cent.
Onques n’i ot celui qui n’alast dolosant.
Charlemaignes li rois ne s’ala atargent,
Vint encontre son fil qui le cors ot sanglant
Et fendu jusqu’el pis à l’espée tranchant.
825L’empereres l’encontre, car il l’aloit querant ;
De si loing com le vit, n’i ala demorant ;
Par son estrier à or descendi de ferrant ;
M 23Vint encontre la biere, plorant et dolosant.
« Sainte Marie Dame, dist Charles li sachant,
830Que porai devenir ? soies moi hui aidant. »
Atant en vint au cors, si l’ala esgardant
Et vit sanglant le front et la chiere devant ;
La cervele li fu desor les iols devant.^[3]
L’empereres en plore et fait .i. duel molt grant.
835Onques Dex ne fist home en cest siecle vivant,
Ki veïst Charlemaigne, ne l’en pesast forment.
En la cort n’ot le jor Bavier ne Alement^[4]
Qui des iols de son chief n’alast molt lermoiant
Et por l’amor le roi molt tenrement plorant.
840Li auquant dient : « Rois, ne te va atargant ;
Fai ton fil enfoïr à Saint Germain avant ;
Puis semon ton empire desi à Mont Aiglant,
Desi as pors d’Espaigne va tes os semonant.

1. 814 BC desor un mul amblant. Cf. v. 735.
2. 817 BC le menons. – La basilique de Saint-Vincent, plus tard Saint-Germain des prés, était le lieu de sépulture des princes mérovingiens. Nous l’avons vu dans l’introduction à propos de la mort de Chlodovig dont le nom français Looïs, remplacé par celui de Lohier dans le Beuves d’Aigremont, est conservé dans les parties plus anciennes des Fils Aymon où il est fait allusion au meurtre du fils du roi.
3. 833 C les ielz devant. B son vis.
4. 837 B Flamenc ne Alemant. C François ne Alemant.