Ja ne le garires que n’aies encombrier.[1]
Penses de vo garnir, vos en aves mestier ;[2]
Car vos seres ocis, ce ne puet detrier.[3]
Il n’est nus hom el mont, qui vos puist respitier,
Ne mais que Damel Dex, li verai justissier. »
A itant s’en parti del duc sens atargier.[4]
Molt s’en failli petit, si com j’oï noncier,[5]
Que li dus nel pendi com .i. larron fossier.[6]
Cil enportent le biere del gentil chevalier.[7]
Quant sunt fors de la vile, si prendent .i. somier ;[8]
Desus metent le cors, ne volrent atargier.[9]
Atant s’en sunt parti sens point de detrier.
Hé Dex, com le regretent li gentil sodoier ![10]
« Sainte Marie dame, dient li mesagier,[11]
Tant nos a fait li dus dolereus enconbrier[12]
Qui a le fil Charlon ocis au branc d’acier !
Dex, que porrons nos faire, où porrons repairier
Et que porrons nos dire Charlemaigne au vis fier ?[13]
Par le mien essiant, il nos fera irier. »[14]
Qui là veïst as contes lor grant dolor mairier[15]
Et lor paumes debatre et lor cheveus sachier.[16]
- ↑ 726 B Vos n’i pores garir. C Vos n’i poez garir.
- ↑ 727 BC de vos deffendre c’or.
- ↑ 728 B Encor en morras tu, che ne pues detrier. C mauras tu, ce ne puez tu noier.
- ↑ 731 BC A tant parti del duc li bers (C le ber sans) sanz atargier.
- ↑ 732 BC par le cors .s. Richier.
- ↑ 733 BC lassus à .i. rochier (C enz el).
- ↑ 734 BC deux vers ; B .x. des hommez Kall. se prinrent à coitier, Si en ont emporté entre lor bras Lohier. C se prenent… Entre lor braz enportent le vaillant dus Lohier.
- ↑ 735 BC hors. B prinrent .i. C pristrent .ii.
- ↑ 736 BC Si emportent le cors au vaillant chevalier. BC ajoutent : Et en plours et en cris (C o plors et o cris) pensent del repairier.
- ↑ 738 BC Gentiument (C gentiment) le regretent li vaillant (C cortois) messagier.
- ↑ 739 BC Qui nous puet conseillier.
- ↑ 740 B dolerous. C si mortel.
- ↑ 743 manque à BC.
- ↑ 744 manque à B.
- ↑ 745 C marier. B qui veïst as barons lor granz deulz commenchier.
- ↑ 746 B et lor char depichier. C et lor ios tornoier.
