Page:Castets - La Chanson des quatre fils Aymon, 1909.djvu/290

278

les quatre fils aymon

Par le conseil Naymon ki fu de bone foi,
M. 5.Apela Enguerran qui venist devant soi.
145« Vasaus, ce dist li rois, car entendes à moi.
Je vos weil envoier, par la foi que vos doi,
Au duc Bue d’Aigremont, cui peu [je aime]^[1] et croi.
Awec vos en iront Dreves et Hermenfroi.
.X. seres de compaingne, je le weil et otroi,
150Et me dires au duc belement, sens esfroi,
Que me wiengne servir, ne le tiengne à belloi,
Ausi commes ses peres refist ja endroit soi.^[2]
S’amaint .C. chevaliers preudomes et de foi
A haubers et à hiaumes, n’i ait mauves conroi.
155Il me het por son frere que je sai bien et voi,
Cui je toli Nantueil, s’abati le bofoi.
Girars de Rossillon en guerroia vers moi,
Chaitif l’en fis fuïr parmi le sablonoi,
Tot par son grant orgueil et par son estreloi.
160Ausi ferai je lui, si m’aïst sainte Foi,
Se servir ne me vient, qu’il le mete en deloi. »
« Sire, dist Enguerrans, et je le vos otroi,
Ja por paor de mort n’i lairai çou ne coi
Que tot çou ne li die que manderes par moi. »

165Charles nostre empereres, au los de son barné,
A esleü mesages de grant nobilité,
Enguerran d’Espolice, .I. vasal aduré,
Drevon et Hermenfroi^[3] ki tant ont de bonté,
Et .VII. autres barons de grant sens renomé.
170Chascuns vesti l’auberc, si a l’elme fermé
Et monta au cheval ferrant et [pomelé].
L’empereres de France lor a [congié doné]
Tot en plorant les a à Jhesus comm[andé]).
De Paris departirent [l’amirable cité]^[4]

1. 147 Presque effacé au ms., bien complété par Michelant. BC qui est de grant boffoi.
2. 152 Omis dans C. B Ainsi comme ses peres le me fist endroit soi. L a bien commes.
3. 168 B C Doon et Amauri.
4. 171-174 La fin de ces vers est effacée. C’est à l’angle inférieur du premier feuillet (recto). On ne lit pas : pomelé, …ongié, doné. On entrevoit