et de Peter-House, je reproduis ici d’après Mone le commencement du texte de Metz. J’arrête la citation à l’endroit où finit l’extrait donné du manuscrit de Montpellier qui est fort abrégé puisqu’il ne contient que 53 vers.
Baron, oez canchon de grant nobilité,
Tote est de voire estoire sans point de fauseté,
Onques mellor n’oïstes depuis que Dex fu nés[1].
A Saint-Denis en France, que Dex a tant amé,
Le trouva on el rolle[2] o l’autre autorité,
Si com Karles de France li fors rois coronés
Guerroia le duc Buef d’Aigremont l’oneré
Et Girart .i. sien frere qui tant ot de fierté,
Et Doon de Nantuel le vassal aduré
Et Aymon de Dordone o gregnon meslé.
Cil .iiii. furent frere et d’un pere engenré,
Il n’ot si vaillans homes en la crestienté.
Karles les haï mult, envers euls fu irés,
Puis fist li rois ocirre a .i. jor de Noël
Le duc Buef d’Aigremont que il avoit mandé,
Et conduit Karllemaine fu li dus deviés ;
Puis en fu grans la guerre et la mortalité,
Et tans bons chevaliers ocis et afolés.
Renaus, li fiex Aymon, qui tant fu redotés,
Ocist puis Bertolai d’un escequier ovré,
.i. nevou Karllemaine a Paris la cité ;
La terre en fu destruite et li païs gastés
Et tante bone dame perdi son avoé,
Et tant enfes petis en fu desiretés[3]
Et ceüs a poverte et a honte livrés.
Et puis en fu Raignaus li vassax mal menés,
Entre lui et ses freres caciés fors del raigné.
Puis guerroierent Karle lor anemi mortel
Et si li firent mult de grant iniquité
Ensi con vos orrois, se jo sui escotés.
Ce fu a Pentecoste apries l’Asension,
