Page:Castets - La Chanson des quatre fils Aymon, 1909.djvu/217

Cette page a été validée par deux contributeurs.
205
les quatre fils aymon

De mon advision ay cy ramenbrement,
Encor seront par toy li Sarrazin dolent.
Ay ! Regnault, amis, or te soit Dieu aident.
10.Adont baisa le roy ses dras mont doucement
Et en pris une piece par amoureux talent,
Et li aultres barons en prindrent encement ;
Les dras Regnault partirent en pieches plus de cent.

Charlemagne regrette la nouvelle ; mais Clarice, la duchesse, apprend que son mari est parti :

De si hault qu’ele fu, c’est paumée glacie,
Mais Karles et Ogier l’ont tantost redrechie.

Yvonnet blâme le deuil de sa mère :

Quant il les voit plourer, vis li est mocquerie.
Damme, dist Yvonnet, par la Virge Marie,
Vous et ceulx qui pleurez, faites mont grant folie.
Mieulx doi plourer que tous et par cause jugie :
5.Car se mon pere pers, un aultre n’aray mie,
Mais bien ares baron. Pour ce ne cries mie.
Atant se sont venu et le roy ne s’oublie.
Onquez n’y ot maison en Tresmongne l’antie
Ou en ne quist Regnault, mais connut n’y fu mie.
Moult fu Regnault queru tout parmy la cité.
10.Tel ot parlé a luy qui ne l’ot ravisé.
Au roy ont el palais dist qu’il en est alé.
La fu le dueil mont grant, li baron sont troublé.
Or diray de Regnault que Dieu maint a santé.
Du bourgois congié prinst qui l’avoit ostelé,
15.En abit de paumier s’en va par le rené
Sans denier et sans maille, c’estoit grant povreté,
Car telle chose a faire n’ot pas acoustumé.
Ains qu’il ait fait sa voie ara mont grant griesté.
Or dirons de Maugis au courage aduré
20.Qui par grant mautalent est de Karle sevré,
Qui dist que si amy l’ont trestous forsjuré.
F° 72, rectoMais a Dieu le poissant a mercy domandé,