Considerant ô mon tres redoubté prince les grant bien et don de grace qu'il a pleu a Dieu le createur faire a ses creatures et entre les aultres de mettre et asseoir le souleil qui est la vie et congninssance de toutes icelles et sans lequel nul ne peult fructiffier ny generer en lieu et place la ou il a son mouvement et declinaison contrare et non semblable aux aultres planeites par lesquelz mouvement et declinaison toutes creatures estantes sur la terre en quelque lieu et place qu'elles puissent estre en ont ou en peuvent avoir en l'an dudit souleil qui est 365 jours et six heures aultant de veus occulaire les ungs que les aultes, non que il soit tout chault et ardant en ungs lieux que es aultres par ses rayz et reverberations ny la division des jours en moiz en parreile egalité. Mais suffist qu'il est de telle sorte et tant temperement que toute la terre est ou peuls estre habitée en quelque zone climat ou parallelle que ce soit. En icelle _____ les eaulx, arbres, herbes et toutes autres creatures de quelque genre ou espece qu'elles sunt par l'influance d'iceluy souleil donner fruitz et generations selon leurs natures pour la vie et nourriture des creatures humaines. Et si aucune vouloir dire le contraire de ce que desus en allegant le dit des saiges philozofes du temps passé qui ont descript et fait division de la terre par cinq zones dont ilz ont dit et affermé troys inhabitables. Est assavoir la zone torride qui est entre les deux tropicques ou solstices pour la grant challour reverberation du souleil qui passé par le zenith de ladite zone et les deux zones articque et antarticque pour la grant froideur qui est en icele a cause du peu d'elevation qu'ilz ont dudit souleil et autres raisons. Je confesse qu'ilz ont escript la maniere et croy fermement qu'ilz le pensaient aussi et qu'ilz le trouvaient par aucunes raisons naturelles la ou ilz prennent leur fondement et d'icelles se contentaient seulement faire aventurer ny mettre leurs personnes aux dangers
Page:Cartier Seconde Navigation (1536).djvu/4
Cette page n’a pas encore été corrigée
AU ROY TRES CHRESTIEN
![](http://upload.wikimedia.org/wikipedia/commons/thumb/d/db/Cartier_Seconde_Navigation_%281536%29.djvu/page4-1024px-Cartier_Seconde_Navigation_%281536%29.djvu.jpg)