Le texte de cette page a été corrigé et est conforme au fac-similé.
— 52 —
« A lui pour xviii journees dun tombereau a iii chevaulx quil a livre pour arriver tout le sablon quil a convenu pour convertir ladicte chaux en mortier au prix de vi. s. p. chacune journee valent cviii. s. p. Pour toutes ces parties
lviii. l. xvii. s.
x. d. p.
x. d. p.
« A Mahieu Quarre pour son salaire davoir fait et fait faire bien et deuement la pionnerie[1] et vvidange des fondemens pour asseoir la maconnerie de ladicte chappelle et de loratoire et viz servans a ycelle contenant xxxii toises quarrees au pris de iiii. s. p. la toise valent vi. l. viii. s. p.
« A lui pour avoir fait faire par plusieurs manouvriers les chemins tout autremont la montaigne dudit lieu de Chastres du coste devers Choisy pour plus aisieement charier et admener la pierre dure dessus dicte cviii. s. p. Pour tout xi. l. xvi. s. p.
xi. l. xvi. s. p.
« Maconnerie et ouvraige de plastre.
« A Mahieu Quarre et Jacob du Taillis macons, pour leur peine et salaire davoir fait et parfait bien et deuement de leur mestier, depuis lAscension Nostre Seigneur m. ccc. iiiixx. xviii la maconnerie du corps de ladicte chappelle par la maniere qui ensuit.
« Premiers ladicte chappelle[2] a v toises de long sur iii toises de le, de dehors en dehors, et ont les murs dicelle chappelle v toises de hault, a mesurer depuis le commancement des fondemens jusques au dessus des entablemens des costez dicelle chapelle.
« Item en chacune areste du costé de ladicte chappelle devers le souleil de midi a ung pillier de pierre en triangle pardehors[3] euvre.
