auoit preſcrites. Nous croyons que la Bienheureuſe Vierge a eu pour agreables nos petites deuotions, car dés la meſme iournee nous baptiſaſmes trois petites filles, dont l’vne nommee Marie de la Conception eſt ceſte petite qui eſt ſi f eruente à apprendre, dont nous auons parlé cy-deſſus, & deuant la fin du mois nous en euſmes baptiſé vingt-huict ; & du depuis nous y voyons vn notable changement, ſi bien que chaque mois nous en auons touſiours gagné bon nombre, enſuite de ceſte offrande.
Le iour de la Purification ayant aſſemblé tous les enfans Chreſtiens parez le mieux qu’il ſe peût, auec leurs parens ; nous fiſmes en leur preſence la benediction des cierges, puis ayant expliqué aux grands cõme à tel iour noſtre Dame auoit offert ſon Fils au Temple au Pere Eternel, & qu’à ſon imitation ils deuoient auſſi preſenter leurs enfans au ſeruice de Dieu, & qu’en ce faiſant Dieu en prendroit vn ſoin plus particulier, ils en furent tres-contens. C’eſt pourquoy prenant vn Crucifix en main ie pronontçay en leur langue ceſte Oraiſon.
