Sur l’Eclypſe de Lune du vingt ſetieſme d’Aouſt, nos Barbares s’attendoient à vne grande défaite des leurs parce qu’elle parut ſur le Pays ennemy, qui eſt à leur égard au Sud-eſt ; car ſi elle parroiſt en Orient, c’eſt à leur cõpte que la Lune eſt malade, ou qu’elle a receu quelque deſplaiſir iuſques à nous inuiter, ie ne ſçay ſi c’eſtoit en riant, de tirer contre le Ciel, pour la deliurer du danger, nous aſſurans que c’eſtoit leur couſtume d’y décocher pluſieurs fleches à cet effect. Il eſt vray qu’ils crient tous tans qu’ils peuuent en ces occaſions, & font des imprecations à leurs ennemis, diſans, que telle & telle Nation periſſe. I’eſtois pour lors en vn autre village, où demeuroit ce fameux Sorcier, dont i’ay deſia parlé, Theorenhaegnon, il fit feſtin, ce dit-on, pour deſtourner les mal-heurs de ceſte Eclypſe.
Le vingtieſme Octobre mourut dans ſon infidelité vn vieillard de noſtre village, dont la fin eſtonna pluſieurs, & leur laiſſa de bons deſirs de ſe conuuertir, il ſemble que noſtre Seigneur luy auoit communiqué depuis vn an pluſieurs bons mouuements, il aſſiſtoit volontiers à toutes nos Aſſemblées, eſcoutant nos inſtructions ; c’eſtoit le premier à faire le ſigne de la Croix
