commencement au Seminaire, duquel on peut eſperer auec raiſon de grands fruits pour la conuuerſion de ces Peuples. Que s’il y auoit à Kébec des Religieuſes, ie croy qu’on vous pourroit auſſi enuoyer de petites Seminariſtes, il y a icy quantité de braues filles, leſquelles ſi elles eſtoient bien eſleuees ne cederoient en rien à noſtre ieuneſſe Françoiſe. Ce nous eſt vn grand creue cœur de voir ces petites innocentes ſoüiller incontinent la pureté de leurs corps & beauté de leur ame faute de bon exemple & bonne inſtruction ; ie ne doute nullement que la diuine Bonté ne comble de grands biens particulierement ceux qu’elle inſpirera de contribuer à la fondation de ces Séminaires & à l’éducation de ces petites plantes de ceſte Egliſe naiſſante.
Chapitre II.
Contenant ſelon l’ordre des temps les autres choſes remarquables aduenuës pendant ceſte année.
A première choſe eſt la ſechereſſe de l’Eſté paſſé laquelle a eſté fort vniuer-