Page:Brébeuf - Relation de ce qui s’est passé dans le pays des Hurons en l’année 1636.djvu/159

qu’elles puiſſent eſtre. On les met par morceaux en la chaudiere ; & quoy qu’aux autres feſtins la teſte, ſoit d’vn Ours, ſoit d’vn Chien, d’vn Cerf, ou d’vn grand poiſſon eſt le morceau du Capitaine ; en celluy-cy la teſte ſe donne au plus malotru de la compagnie : en effet quelques-vns ne gouſtent de ce mets non plus que de tout le reſte du corps, qu’auec beaucoup d’horreur : il y en a qui en mangent auec plaiſir ; i’ay veu des Sauuages en noſtre Cabane parler auec appetit de la chair d’vn Iroquois, & louer ſa bonté en meſmes termes que l’on feroit la chair d’vn Cerf, ou d’vn Orignac : c’eſt eſtre bien cruel ; mais nous eſperons auec l’aſſiſtance du Ciel, que la cognoiſſance du vray Dieu bannira tout à fait de ce Païs cette barbarie. Au reſte pour la garde du Païs, ils entourẽt les principaux Villages d’vne forte palliſſade de pieux, pour ſouſtenir vn ſiege : ils entretiennent des penſionnaires dans les Nations neutres, ou meſmes parmy les ennemis, par le moyen deſquels ils ſont aduertis ſouz main de toutes leurs menées : ils ſont bien ſi aduiſez & circonſpects en ce poinct, que s’il y a quelque Peuple auec qui ils