ſans que perſonne en approchaſt, qu’vn ſeruiteur, qui pour eſtre digne d’y porter du bois, s’y diſpoſoit luy-meſme en ieuſnant. Les honneurs & les émoluments en ſont touſiours grands. Ces pauures gens n’ayans rien de plus cher que cette vie, faute d’en connoiſtre vne meilleure, mettent tout à cela, au recouurement de leur ſanté, & à qui fait mine de les ayder. Il nous ferment quelquefois la bouche, lors que nous les voulons deſabuſer ſur ces charlatanneries, diſans, gueriſſez nous donc. Si quelque ſage & vertueux Medecin vouloit venir icy, il y feroit de belles cures pour les ames, en ſoulageant les corps ; & ie m’aſſeure que Dieu prendroit plaiſir vn iour de luy dire comme à Abraham. Ego ero merces tua magnanima. les miracles de la nature ſont de grandes diſpoſitions à ceux de la grace, quand il plaiſt à l’Autheur des vns & des autres, de s’en ſeruir.
Ie laiſſe à part vne infinité d’autres remarques ſur ce ſujet, pour raconter vne partie de ce qui a tenu vn mois entier tout ce pays en haleine. Vn Sauuage nommé Ihongȣaha ſongea vne nuict qu’il deuiendroit Arendioȣane, c’eſt à dire maiſtre Sorcier, pourueu qu’il ieunaſt trente iours ſans manger.
