au deſſus des ſens : & d’ailleurs ſa vie licentieuſe & ſes debordemens l’empeſchans de rencontrer Dieu ; il eſt bien facile au Diable de s’ingerer & luy offrir ſon ſeruice, dans les neceſſitez preſſantes où il le void, ſe faiſant payer d’vn culte qui ne luy eſt pas deut, & ſe familiariſant à quelques eſprits plus ſubtils, qui le mettent en credit auprés de ces pauures gens.
2. Vous ne voyez icy rien de plus frequent que les ſorts ; les enfans en heritent de leurs peres, s’ils ont eſte trouuez bons, & ils ne s’en cachent point, comme ie viens de dire. Nous auons vn Sauuage en noſtre Village, ſurnomme le Peſcheur, pour l’heur qu’il a à peſcher ; cet homme attribue tout ſon bien aux cendres d’vn certain petit oyſeau qu’on appelle Ohguione ; qui penetre, à l’entendre dire, les troncs des arbres ſans reſiſtance. Allant à la peſche il demeſle auec vn peu d’eau ſes cendres, & en ayant frotté ſon rets, il s’aſſeure, que le poiſſon donnera dedans en abondance ; en effect il en a acquis le renom.
3· Il y a parmy ce Peuple des hommes qui font eſtat de commander aux pluyes & aux vents ; d’autres, de predire les choſes à venir ; d’autres, de trouuer celles qui ſont
